عمر 17سال ہے‘ سٹوڈنٹ ہوں‘ آدھا سر سفید ہوگیا ہے حالانکہ ابھی امی ابو کے بال کالے ہیں۔ (ماریہ منیر‘ لاہور)
مشورہ: آپ میدے کی بنی بازاری اشیاء نہ کھائیے۔ جام، جیلی، کولا مشروبات، پیسٹریاں، پیزا وغیرہ صحت کو نقصان پہنچاتے ہیں۔ برسہا برس سے آملہ بالوں کے امراض میں کامیابی سے مستعمل ہے۔ شیمپو کرنا چھوڑیے مٹھی بھر کوٹے ہوئے آملے رات کو بھگو دیں پانی اتنا ہو کہ اوپر تک رہے۔ صبح اس سے سردھوئیے۔ ہری توری کے باریک اور گول ٹکڑے کاٹیں اور سائے میں سکھائیے ۔ جب سوکھ جائیں تو انہیں ناریل کے تیل میں چار روز کے لیے ڈال دیں۔ پانچویں دن ہلکی آنچ پر تیل پکائیے، جب تو ریاں جل کر سیاہ ہو جائیں تو اتارلیں اور سر میں روزانہ لگائیے۔ اس میں آپ آملہ بھی شامل کرسکتے یں۔ آملے کے ٹکڑے بھی جل جانے چاہئیں۔ اس نسخے سے بالوں پر مثبت فرق پڑتا ہے۔ ہفتے میں دو بار کلیجی بھون کر کھائیے۔ یاد رکھیے وراثت میں ملنے والے سفید بالوں کا کوئی علاج نہیں۔